Informazio mota hauetara harpidetu ahalko zara:

  • Informazio pribilegiatua: Merkatuko abusuari buruzko Europako Parlamentuaren eta Kontseiluaren 2014ko apirilaren 16ko 596/2014 Erregelamenduaren (EU) 7. artikuluan emandako definizioaren arabera, honako informazio mota hauek hartuko dira aintzat:
    1. argitara eman ez den informazio zehatza, jaulkitzaile bat edo gehiago edo tresna finantzario bat edo gehiago eta horietatik eratorritakoak zuzenean edo zeharka aipatzen dituena, eta, argitara emanez gero, tresna horien edo horiekin lotutako tresna eratorrien gaineko prezioan eragin nabarmena izan lezakeena;
    2. lehengaiei buruz eratorritako tresnei dagokienez, argitara eman ez den informazio zehatza, tresna eratorri horietako bat edo batzuk zuzenean edo zeharka aipatzen dituena, edo horiekin lotutako lehengaien eskura ordaintzeko kontratu bat zuzenean aipatzen duena, eta, argitara emanez gero, tresna eratorri horien edo horiekin lotutako lehengaien eskura ordaintzeko kontratuen gaineko prezioan eragin nabarmena izan lezakeena, betiere informazio hori argitaratzea arrazoizkoa bada edo derrigorrez argitara eman behar bada, Batasunaren nahiz nazioen lege-xedapenetan edo erregelamenduetan, merkatuaren arauetan, kontratuetan edo lehengaietatik edo eskura ordaindu beharrekoetatik eratorritako erabileretan eta jardunbideetan ezarritakoarekin bat eginez;
    3. jaulkipen-eskubideei edo eskubide horietan oinarrituta enkantean jarritako produktuei dagokienez, argitara eman ez den informazio zehatza, tresna finantzario bat edo gehiago eta horietatik eratorritakoak zuzenean edo zeharka aipatzen dituena, eta, argitara emanez gero, tresna horien edo tresna finantzario eratorrien gaineko prezioan eragin nabarmena izan lezakeena;
    4. tresna finantzarioen inguruko aginduak emateko ardura duten pertsonei dagokienez, tresna finantzarioekin lotuta eman gabeko aginduen inguruan bezero batek adierazitako informazio zehatza, jaulkitzaile eta tresna finantzario bat edo gehiago zuzenean edo zeharka aipatzen dituena, eta, argitara emanez gero, tresna finantzario horien, eskura ordaintzeko lehengaien edo horiekin lotutako tresna eratorrien gaineko prezioan eragin nabarmena izan lezakeena.
  • Bestelako informazio garrantzitsua: honetaz ari da: «gainerako informazio finantzarioak edo korporatiboak, jaulkitzailearekin berarekin edo haren balioekin edo tresna finantzarioekin lotuta, lege edo erregelamenduren batek xedatutakoaren arabera, Espainian argitara eman behar direnak, edo, interes berezikoak izateagatik, inbertsioen artean hedatzera eman behar direnak».
  • IKE-en eta beste entitate baimendu batzuen gertaera garrantzitsuak.